# Xodimlar
Xodim qo'shish
**Xodimlar bo‘limi** tizimdagi barcha xodimlarni boshqarish va ularning ma’lumotlarini yuritish uchun xizmat qiladi. Ushbu bo‘lim orqali xodimlarni ro‘yxatga olish, ularning lavozimi, bo‘limi va tizimdagi roli bilan bog‘lash mumkin. Bundan tashqari, xodimlarga tizimga kirish huquqini berish yoki faqat ma’lumot sifatida saqlash ham shu yerda boshqariladi.
**HR → Xodimlar** bo‘limiga kiriladi va **“Yaratish”** tugmasi orqali yangi xodim qo‘shiladi.
Ushbu bo‘limda xodimlar jadval (table) ko‘rinishida aks etadi.
**Jadval ustunlari:**
* **Tabel nomeri** – xodimning ichki identifikatsiya raqami
* **To‘liq ismi** – xodimning ism va familiyasi
* **Qabul sanasi** – ishga qabul qilingan sana
* **Telefon raqami** – aloqa uchun raqam (login sifatida ishlatiladi)
* **Xodim turi** – xodim kategoriyasi (masalan: pullik yoki bepul foydalanuvchi)
Yangi xodim qo‘shishda barcha asosiy ma’lumotlar form orqali kiritiladi.
* **Ismi** – xodim nomi
* **Telefon raqami** – tizimga kirish uchun login sifatida ishlatiladi
* **Qabul sanasi** – ish boshlagan sana
* **Manzil** – yashash manzili
* **Izoh** – qo‘shimcha ma’lumot
* **Rasm** – xodim rasmi
* **Jinsi, familiyasi, otasining ismi** – shaxsiy ma’lumotlar
* **Tug‘ilgan sana** – tug‘ilgan kun
* **INN** – soliq identifikatsiya raqami
* **Email / Telegram** – qo‘shimcha aloqa ma’lumotlari
* **Holati** – xodim aktiv yoki noaktiv ekanligini bildiradi
* **Yetkazib beruvchi** – agar xodim courier bo‘lsa belgilanadi
Xodimni yaratishda **bepul foydalanuvchi** va **pullik foydalanuvchi** tushunchalari mavjud.
Agar xodim **bepul foydalanuvchi** sifatida belgilansa, u tizimga kira olmaydi va hech qanday jarayonda ishtirok etmaydi. Bunday xodimlar faqat ma’lumot sifatida saqlanadi (masalan, ro‘yxat yuritish yoki tarix uchun).
Agar xodim **pullik foydalanuvchi** bo‘lsa:
* **Telefon raqami** – login sifatida ishlatiladi
* **PIN (6 xonali)** – mobil ilovaga kirish uchun ishlatiladi
* **Parol (kamida 8 belgi)** – web tizimga kirish uchun ishlatiladi
PIN va parol faqat pullik foydalanuvchilarga beriladi va ular orqali xodim tizimdagi turli modullarda ishlashi mumkin.
Xodimga lavozim va ruxsatlar biriktirish orqali uning tizimdagi huquqlari belgilanadi. Shu sababli, har bir xodim faqat o‘ziga ruxsat berilgan bo‘lim va funksiyalar bilan ishlaydi.
Bu bo‘lim orqali kompaniyadagi barcha xodimlarni markazlashgan holda boshqarish, ularning rollarini nazorat qilish va tizim xavfsizligini ta’minlash mumkin.
Xodim kartasi (yaratilgan xodim oynasi)
**Xodim kartasi (yaratilgan xodim oynasi)** xodim haqidagi barcha ma’lumotlarni ko‘rish, uning balansini kuzatish va unga tegishli moliyaviy hamda tizim operatsiyalarini boshqarish uchun xizmat qiladi. Ushbu oynada xodimning asosiy ma’lumotlari, ruxsatlari va unga bog‘liq barcha harakatlar bir joyda jamlangan bo‘ladi.
Xodimlar ro‘yxatidan kerakli xodim ustiga bosilganda ushbu sahifa ochiladi.
Chap tomonda xodimning asosiy ma’lumotlari ko‘rsatiladi:
* **Ismi va rasmi** – xodim identifikatsiyasi
* **Balans** – xodim bilan bog‘liq moliyaviy balans
* **Qabul sanasi** – ish boshlagan sana
* **Telefon raqami** – aloqa va login uchun ishlatiladi
* **Ruxsatlar** – xodimga biriktirilgan rollar va tizimdagi huquqlari (masalan: sotuvchi, hisobchi va h.k.)
Pastki qismda:
* **O‘chirish** – xodimni tizimdan olib tashlash
* **O‘zgartirish** – xodim ma’lumotlarini tahrirlash
O‘ng tomonda esa xodimga tegishli moliyaviy va operatsion ma’lumotlar ko‘rsatiladi.
Yuqori menyuda quyidagi bo‘limlar mavjud:
* **Oldi-berdi hisoboti** – xodim bilan bog‘liq barcha kirim-chiqim operatsiyalari
* **Balans** – umumiy balans ko‘rinishi
* **Hisob faktura** – xodim bilan bog‘liq hujjatlar
* **To‘lov tarixi** – amalga oshirilgan to‘lovlar
* **Eslatmalar** – qo‘shimcha yozuvlar
* **Audit tarixi** – tizimdagi o‘zgarishlar tarixi
**Oldi-berdi hisoboti** bo‘limida:
* **Kirim** – xodimga tushgan mablag‘lar
* **Chiqim** – xodim tomonidan ishlatilgan yoki berilgan mablag‘lar
Jadval ustunlari:
* **Vaqt** – operatsiya sanasi
* **Amal** – bajarilgan operatsiya turi
* **Izoh** – qo‘shimcha ma’lumot
* **Debet / Kredit** – moliyaviy harakat
* **Balans** – operatsiyadan keyingi balans
Bu oynada foydalanuvchi xodim bilan bog‘liq barcha moliyaviy harakatlarni to‘liq nazorat qilishi mumkin. Shu sababli, bu sahifa xodim bilan hisob-kitoblarni yuritish, qarzdorlik yoki ortiqcha to‘lovlarni aniqlash va umumiy moliyaviy holatni kuzatish uchun muhim hisoblanadi.
---
# Agent Instructions: Querying This Documentation
If you need additional information that is not directly available in this page, you can query the documentation dynamically by asking a question.
Perform an HTTP GET request on the current page URL with the `ask` query parameter:
```
GET https://docs.bito.online/readme/hr/xodimlar.md?ask=
```
The question should be specific, self-contained, and written in natural language.
The response will contain a direct answer to the question and relevant excerpts and sources from the documentation.
Use this mechanism when the answer is not explicitly present in the current page, you need clarification or additional context, or you want to retrieve related documentation sections.
